Патологиялық анатомия және сот медицина кафедрасы




Скачать 127.98 Kb.
НазваниеПатологиялық анатомия және сот медицина кафедрасы
Дата конвертации13.02.2016
Размер127.98 Kb.
ТипДокументы
источникftp://ftp01.kgmu.kz/Obshaya medicina/3 kurs/Patolog_Anatomiya-2/kaz/Lekc.kompleks/3.doc
ҚММУ Ф 4/3-04/03

2007 ж. 14 маусымындағы №6 НХ

Қарағанды мемлекеттік медициналық университеті

Патологиялық анатомия және сот медицина кафедрасы




ДӘРІС


Тақырыбы: «Гемобластоздар»

Пәні: РА-2 3210 «Патологиялық анатомия-2»

Мамандығы «5В130100 - Жалпы медицина»

Оқу сағатының көлемі: 1

Курс: ІІІ

Құрастырушы асс. Ныгызбаева Р.Ж.


Қарағанды 2014ж.



Патологиялық анатомия және сот медицинасы кафедрасының отырысында талқыланып бекітілді

Хаттама № _2_ «_10_»__09___2014ж.



Патологиялық анатомия және сот медицинасы

кафедрасының меңгерушісі, м.ғ.д., профессор _______ М.М. Түсіпбекова


Тақырыбы: Гемобластоздар

Дәрістің мақсаты: студенттерде жүйелі гемобластоздар патологиялық анатомиясы жайлы білімді қалыптастыру.(лейкоздар)


Дәріс жоспары




    1. Гемобластоздар , лейкоздар : анықтамасы, жіктелу принциптері

    2. Жедел лейкоздар, түрлері мен патоморфологиялық сипаттамасы

    3. Созылмалы лейкоздар , түрлері мен патоморфологиялық сипаттамасы


Дәріс тезистері


ГЕМОБЛАСТОЗдар (C81-C96) – бұл лимфоидты, қан тзуші және оларға жақын тіндердің қатерлі ісіктері. Оларды екі үлкен топқа жіктейді: лейкоздар және лимфосаркомалар.

ЛЕЙКОЗдар – қан түзуші тіннің қатерлі ісігі, біріншілік орналасуы сүйек миы болып, кейін перифериялық қан айналымына, көкбауырда, лимфа түйіндерінде, т.б тндерде диссеминизацияланады..

Лейкоздардың жіктелуі. Лейкоздарды екі негізгі топқа жіктейді: жедел және созылмалы. Жіктеу негізінде ісікті жасушалардың мамандану деңгейі жатады.

Жедел лейкоздар – лейкоздың тез үдемелі түрінің бірі, қалыпты сүйек миының маманданбаған немесе аз маманданған (бластты жасушалар) гемопоэтикалық жасушалармен алмасуымен сипатталады. Синоним – БЛАСТТЫ ЛЕЙКОЗ

Созылмалы лейкоздар – ісікті субстрат негізінен жетілген белгілі бір мамандану дәрежесіне жеткен жасушалардан тұратын лейкоздың түрі. Синоним – ЦИТАРЛЫ ЛЕЙКОЗ.


Жедел лейкоздар (Ж. Л). ЖЛ клиникасы мен морфологиясы бойынша біршама стереотипті. ЖЛ-дың жіктелуінде бластты жасушалардың сыртқы түрі мен цитохимиялық қасиеттері; сонымен қатар олардың иммунофенотипі мен генетикалық ерекшеліктері орын алады. Франко-американо-британдық (FAB) классификация лейкемиялық жасушалардың морфологиясына байланысты (ядро құрылысы, ядро өлшемінің цитоплазма көлеміне қатынасы ). ЖЛ морфологиялық субстраты - сүйек миында ірі ашық ядролары бар бластты жасушалардың өсуі мен кейінгі олардың лимфа түйіндеріне, көкбауырға, бауыр тініне, басқа да тіндерге метастаздануы болып табылады.

Цитохимиялық және морфо­логиялық сипаттамаларға қарағанда келесі түрлерді бөледі: лимфобластты, миелобластты, монобластты, миеломобластты, промиелоцитарлы, плазмобластты ЖЛ, эритромиелоз, мегакариобластты және маманданбаған ЖЛ.

Қан құрамындағы лейкоциттер саны мен бластты жасушалардың бар болуы тәжірибелік маңызы жоқ, сондықтан клиницисттер лейкоздардың варианттарына(лейкемиялық, сублейкемиялық , лейкопениялық және алейкемиялық ) аса көңіл аудармайды. Тәжірибелік тұрғыдан вариант түрі емес, ал ЖЛ цитохимиялық түрі маңызды. Жедел лейкоз емдемеген жағдайда бірнеше апта не ай аралығында өлімге әкеледі.

Цитостатикалық терапияның ерекшеліктеріне байланысты барлық ЖЛ гематологтар лимфобластты және лимфобластты емес түрлеріне ажыратады. Лимфобластты ЖЛ кезінде біршама төмен цитостатикалық терапия жүргізіледі, лейкоздан жазылғандар (әсіресе балалар ) 85—90% құрайды. Лимфобластты емес ЖЛ түрінде интенсивті , қайталамалы курстармен полихимио­терапия жүргізіліп, соған қарамастан жазылғандар тек 50—55% жағдайларды құрайды.

Диагностикасы . ЖЛ біріншілік диагностикасы гемограмма нәтижелеріне негізделеді. Қан құрамында 5-8% бластты жасушалар анықталған жағдайда ЖЛ күдік туындайды. Диагнозды нақтылау мақсатымен стернальды пункция жасалынып, миелограмма нәтижесі бағаланады. Егер миелограммада бластты жасушалар 8—10% құраса, ЖЛ диагнозы қойылып, толықтай шешім қабылдау үшін трепанобиопсия жүргізіледі.

ЖЛ жиі кездесетін түрлерінің дифференциалды диагностикасы олардың цитохимиялық зерттеуіне, және перифериялық қан мен сүйек миының құрамындағы бластты жасушалардың иммунофенотиптік қасиеттеріне байланысты. Секциялық материалда (көкбауыр, перифериялық қан, бауыр тіні) гистохимиялық әдістер қолданылады.

Макроскопиялық көрінісі

ЖЛ түрлерінің макроскопиялық көрінісі бір біріне ұқсас болуына байланысты секционды үстелде оларды ажырату қиынға соғады. ЖЛ барлық түрлеріне тән ерекше қасиеті сүйек миында жалпақ және түтікті сүйектерде жетілмеген атипиялық бластты жасушалардың дамуы болып табылады.

Сүйек миын қарау үшін төс, қабырға, омыртқа денелерін, мықын және сан сүйектерін көлденең кесу қажет. Аурудың айқын көрінісінде сүйек миы қошқыл-қызыл, қошқыл-алқызыл түсті болады. Ересектерде түтікті сүйектерінде жартылай немесе толық май тінінің лейкозды өсінділермен алмасуы жүреді. Лейкозды пролифераттардың дамуы сүйек тінінің еруімен жүріп, сондықтан да сүйектерді кесу оңай болады. Сүйек миының өзгерістеріне толық сипаттама беру үшін әртүрлі жалпақ сүйектерден, сан сүйектерінің эпифиздері мен диафиздерінен де тін бөлшектерін алып, микроскопиялық зерттеу жүргізу керек.

Арнайы лейкозды пролиферация әртүрлі көрініс дәрежесімен сипатталатын геморрагиялық синдроммен, некрозды- ойық жаралы үрдістер мен инфекциялық асқыныстармен жиі бірлесіп кездеседі; бұл өз кезегінде ЖЛ тән макро- , микроскопиялық өзгерістердің комлексін құрастырады. Тері жамылғылары боз, жер түстес болуы –науқастын анемизациясының белгісі. Теріде, шырышты қабықшаларда, көз склерасында, қабақ конъюнктиваларында, сірлі (плевра жапырақшаларында, ішастар, эндо-, эпи- және перикард) жиі геморрагиялық диатез белгілері нүктелік, ірі бөртпелі не бірігуге тән қызыл немесе қою қошқыл қан құйылу түрінде көрінеді. Көбінесе ошақты немесе нүктелік диапедездік қан құйылулар мидың қатты және жұмсақ қабықшасында, немесе бас мидың затында, бүйрек үсті бездерінің тінінде, өкпе, жүрек, бүйрек, аталық бездер, қаңқалық бұлшықеттерде(бұлшықеттік инъекция орындарында ) кездеседі. Жиі некрозды өзгерістер параректальды клетчатка (ойық жаралы –некротикалық парапроктит) аймағында, қызылиек, тіл, бадамша бездерінің шырышты қабықшаларында анықталады.

ЖЛ айқын бейнесінде спецификалық лейкозды өсінділер АІТ бойында жиі анықталады. Мұндай жағдайда қызылиектердің ісінуі, бадамша бездердің ,пейер түйіншектерінің , солитарлы фолликулдердің ұлғаюы, асқазан және ішек қабырғаларының диффузды немесе түйнектәрізді қалыңдауы болып, АІТ шырышты қабықшаларының ойық жаралы ауқымды некрозды аймақтарымен сипатталады. Лейкозды үдістің айтарлықтай таралуында өкпеде, бүйректе, жүректе, жыныс және эндокринді бездерде, сірлі қабықшалар мен теріде – сұр-алқызыл немесе ақшылдау , диаметрі 0,5-2 см болатын лейкозды өсінділердің аймақтары макроскопиялық анықталады. Кейде бас миы қабықшалары мен затының лейкозды инфильтрациясы кездеседі. Сонымен қатар бас ми жүйкелерінің және жұлынның лейкозды инфильтрациясы да кездесуі мүмкін. Бас миы жүйкелері мен жұлынның спецификалық лейкозды зақымдануы болады.

Лимфа түйіндері жиі ұлғайған, бірақ әр аймақта әртүрлі көлемде болады. Жиі висцералды лимфа түйіндерінің мезентериальды , парааортальды , бауыр қақпасының аймағындағы гиперплазиясы басым айқындықта болып, сирек көкірекаралық, ішастардан тыс, паратрахеальды, парабронхиалды лимфа бездерінің. Көбінесе патологиялық үрдіске шеткері лимфа бездері қосылады: қолтықасты, жақасты, мойын, шап. Висцеральды және шеткері лимфа бездері көбінесе бір-бірімен жабыспаған, пальпаторлы — жұмсақ-эластикалық консистен­циялы, кесіндіде шырынды, ашық-алқызыл немесе сұрлау-қызыл түсті болады.

Көкбауыр лғайған болуы мүмкін. Ересек адамда қалыпты жағдайда көкбауырдың салмағы 150—180 г аспайды; ЖЛ бар науқастарда ол жиі 300—350 г болады, тек жеке жағдайларда оның салмағы 1000—2500 г жетуі мүмкін, кейде қалыпты шамаларда да болады. Көкбауыр беткейі жылтыр, тегіс, жұқа, ақшыл-сұр түсті капсуламен қапталған, көкбауыр тіні жұмсақ, кесіндіде қою-қызыл шие түсті; кейде фолликулярлы құрылымының айқын суретіме; шырынды, аз немесе орташа қырынды алуға болатын болады.

Бауыр әртүрлі көлемде ұлғаяды. Оның массасы қалыпты жағдайда орташа 1600-1800 г. ЖЛ бар науқастарда оның салмағы 2500-3200 г, кейде 4500 г жетуі ықтимал. Бауырдың беткейі жылтыр, тегіс, жұқа ақшылдау капсуламен қапталған; тін тығыз-эластикалық консистенциялы болады. Бауыр тініндегі лей­козды инфильтрация көптеген ақшылдау нүктелі дақтармен көрінеді.

Бүйректер дистрофиялық өзгерістер, венозды толыққандылық пен лейкозды инфильтрациясының нәтижесінде көлемі ұлғайған болады. Ересектерде екі бүйректің салмағы 280-320 г құрайды. ЖЛ бар науқастарда оның салмағы ауытқымалы; орташа 350—360 г болады. Бүйректердің айқын лейкозды инфильтрациясы кезінде бүйректер 800—1200 г дейін жетуі мүмкін. Капсуласы жеңіл сыдырылады; бүйректің беткейі бозғылт-көк түсті (анемизация мен мүшедегі іркілу толыққандылыққа байланысты). Кейде бүйрек беткейінде диаметрі 2,5—3 смболатын ісікті лейкозды өсінділер анықталады. Кесіндіде бүйректің құрылымдық суреті сақталған; кейде жоғалады. Лейкозды инфильтраттар ақшыл нүктелік дақтар немесе ұсақ жолақтар түрінде болып, микроскопиялық зерттеуде жиі қыртысты қабатта орналасады.

Өкпе. Жиі лейкозды инфильтраттар кездеседі. Бұл кезде өкпеде ошақты фибринді –геморрагиялық бронхо­пневмония мен венозды толыққандылық белгілері анықталады


созылмалы лейкоздар


Созылмалы лейкоздар миелопролиферативті және лимфопролиферативті деп бөлінеді.

Жүйелі миелопролиферативті аурулар : Созылмалы миелолейкоз (СМЛ), Созылмалы моноцитарлы лейкоз, шынайы полицитемия, миелофиброз, идиопатиялық тромбоцитемия.

Жүйелі лимфопролиферативті аурулар : Созылмалы лимфолейкоз (СЛЛ), волосато-клеточный лейкоз, миеломды ауру, Вальденстрё'м макроглобулинемиясы, ауыр тізбектер аурулары, Сезари ауруы.

Жүйелі миелопролиферативті аурулар

Созылмалы миелолейкоз (МКБ: С92.1 Созылмалы миелоидты лейкоз) лейкоздардың ішінде жиі кездесетін түрі; оған ересектердегі гемобластоздардың 20% ; 5% — балаларда кездесетін жағдайлары жатады. СМЛ кезіндегі морфологиялық субстрат болып сүйек миындағы және перифериялық қан құрамында әртүрлі даму дәрежесіндегі гранулоциттердің артуы болып табылады. СМЛ науқастарының гранулоциттері патологиялық өзгерген, олардың жартылай өмір сүру уақыты 10 есе артқан. СМЛ науқастарының гранулоциттерінде цитохимиялық әдіспен миелопероксидаза мен сілтілік фосфотазаның төмен деңгейі анықталады. (кейде мүлдем анықталмайды). Сонымен қатар, нейтрофильді лейкоциттердің фагоцитарлық және қорыту қабілеті төмендеген.науқастардың қан сарысуында гистамин және В12 дәруменінің жоғары деңгейі болады. Клиникалық тұрғыдан созылмалы (қатерсіз, гранулопитарлы ) кезеңін , бластты криз (тер­миналды кезеңін ) ажыратады.

Созылмалы кезеңінде гемограммада нейтрофильді ығысумен лейкоцитоз бен гранулопоэздің жас формаларының болуы анықталады. В трепанобиоптаттарда әртүрлі жетілу кезеңіндегі гранулопоэз элементтерінің артуынан дамыған сүйек миының айқын гиперплазиясы анықталады. Макроскопиялық бейнесі – СМЛ кезіндегі сүйек миы лайсаң-сұр, лайсаң-жасыл түсті («пиоидты » сүйек миы), шырынды, пинцетпен басқанда жасыл ботқатәрізді масса бөлінеді. СМЛ терминальды кезеңі жиі бластты кризбен аяқталып, ЖЛ кезіндегідей сүйек миында миелобласттардың массивті диффузды өсуі болады. Мұндай сүйек миын ЖЛ науқастардың миынан ажырату қиын.

СМЛ кезінде көкбауыр ұлғайған болады: оның салмағы 3—5 кг жетеді. Капсуласы ақшыл-сұр, кейде фибринді қабыршақтармен (периспленит). Жиі, гиперлейкоцитоз жағдайларында беріштену белгілерімен ишемиялық инфаркт анықталады. Кесіндіде инфаркт зонасынан тыс аймақта көкбауыр тіні алқызыл-сұр түсті, құрылымдық суреті анық емес, пульпадан орташа құырынды алуға болады. Құрылымдық суретінің жойылуы мүшенің миелоидты метаплазиясымен түсіндіріледі.

СМЛ кезінде бауыр жұмсақ консистенциялы, капсуласы сұр түсті, кесіндіде сары-қоңыр, ақшылдау келген нүктелі немесе жолақ түріндегі лейкоцитарлы инфильтраттармен көрінеді. Бауырдың салмағы 2500—3500 г. Микроскопиялық гепатоциттердің ақуызды және майлы дистрофия желісінде лейкоцитарлы пролифераттар анықталады; олар бауыр үштігі және синусоидты капиллярлар жолы бойында орналасады.

Лимфа түйіндері айтарлықтай ұлғаймайды; диаметрі 1,5-2,0 см аспайды. Олар бір –бірімен жабыспаған, жұмсақ-эластикалық консистенциялы, кесіндіде сұр, шырынды. Микроско­пиялық зерттеуде суреті толығымен жойылған, лимфоидты фолликулдар жоқ, шеткері және аралық синустар әртүрлі жетілу дәрежесіндегі миелоидты элементтермен инфильтрациясының нәтижесінде шекарасы көрінбейді.

Бүйректер процесске сирек қосылады. Лейкозды инфильтрация кезінде бүйрек массасы ұлғайып, 450—500 г құрайды. Кесіндіде қыртысты қабаты ашық-сұр түсті, пирамидалар – көкшілдеу, ал лейкозды инфильтраттар ұсақ ошақтар түрінде ақ түсті болады, олар жиі қыртысты қабатта орналасады. Микроскопиялық зерттеуде түтікшелердің дистроиялық өзгерістері анықталады, әсіресе проксимальды және дистальды аймақтарда. Лейкозды инфильтраттар периваскулярлы және периглобулярлы орналасқан.

Өкпе . Лейкозды инфильтрация бронхтар мен қан тамырларының айналасында орналасады. Жиі ошақты қан құйылу және өкпе ісінуімен бірлескен бронхопневмония дамиды.

Миокард. Лейкоцитарлы инфильтрациямен қоса, кардиомиоциттердің дистрофиялық бұзылыстары кездеседі; кейде — ұсақошақты қан құйылулар болады.

Бас миы. Бас миының ісінуі және нүктелі қан құйылу ошақтары анықталады.

Кейбір жағдайларда лейкозды инфильтрация АІТ шырышты қабаттарында, ұйқы безінде, бүйрекүсті безінде, жыныс бездерінде анықталуы мүмкін.

Өлімнің себебі болып аурудың үдеуі болып табылады, (бластты криз), оған қоса пневмония, өмірге маңызды мүшелерге қан құйылу асқыныстары дамуы ықтимал.


СОЗЫЛМАЛЫ ЖҮЙЕЛІ ЛИМФОПРОЛИФЕРАТИВТІ АУРУЛАР

Созылмалы лимфопролиферативті ауруларға созылмалы лимфолейкоз, Сезари ауруы, түкті-жасушалы во­лосато-клеточный лейкоз, миеломды ауру, Вальденстрём макроглобулинемиясы және ауыр тізбектер ауруы жатады.

Созылмалы лимфолейкоз (СЛЛ) (МКБ: С91.1 Созылмалы лимфоцитарлы лейкоз). СЛЛ морфологиялық субстраты — жетілген лимфоциттердің ісікті өсінділері ( 85— 97% В-лимфоциттер). СЛЛ 45 және одан жоғары жас аралығындағы адамдар ауырады.жас адамдар арасында сирек кеездеседі. Ер адамдар әйелдерге қарағанда 2 есе жиі ауырады. Ауру 12 жыл не одан көпке созылуы мүмкін. СЛЛ ағымында 2 кезеңді ажыратады: қатерсіз және терминальды (қатерлі). Терминальды кезең жедел лимфобластты криз түрінде немесе лимфобластты лимфосаркома формасында өтеді.

Аурудың басталуы байқаусыз өтеді, қанда 45—50 % лимфоцитоз, өрістеген сайын ол да жоғарлайды. Қан жұғындысын дайындағанда біраз лимфоциттер жойылып, тек хроматин бөліктерімен және ядрошықтармен —Боткин—Гумпрехт көлеңкесімен анықталады. Біртіндеп мойынғ қолтықасты, құрсақтық лимфа бездері ұлғайып, спленомегалия дамиды.

Трепанобиоптаттарда СЛЛ қатерсіз кезеңінің басында айқын диффузды- ошақты және сүйек миының жетілген гранулоциттер , эритрокариоциттер, мегакариоциттердің орташа санындағы лимфоидты элементтерімен диффузды инфильтрациясы анықталады. Майлы жасушалар қалыпты деңгейде сақталады. Лимфоциттердің жинақталған ошақтары кездеседі. СЛЛ қатерсіз кезеңінде сүйек миында жетілген гранулоциттер , эритрокариоциттер, мегакариоциттердің айқын аз санындағы диффузды инфильтрация кездеседі. Майлы жасушалар болмайды. СЛЛ бар науқастарда иммунды реактивтілік төмендеген. Сондықтан да олар инфекциялық ауруларға төзімсіз.

СЛЛ аурулардың өлім себебі болып инфекциялардың қосарлануы жатады (пнемония, ту­беркулёз), аурудың саркоматизациясынан, немесе аурудың терминальды кезеңіндегі жедел лимфобластты лейкозға трансформациясынан қайтыс болады.

Макроскопияда жалпақ сүйектерінің сүйек миы сұр-қызыл түсті, шырынды. Сүйек тіні нәзік, СЛЛ сүйектік деструкциялар тән. Көкбауыр көлемі ұлғайған, салмағы 280 г - 2100г аралығында , жиі ишемиялық инфаркт кездеседі. Кесіндіде тіні қою-қызыл шие түсті, аз көлемде қырынды алуға болады; құрылымдық суреті жойылған. Висцеральды және шеткері лимфа түйіндерінің генерализденген ұлғаюы анықталады. Лимфа түйіндерінің шоғыры шажырайқайда, пароаортальды және кеңірдек бифуркациясының аймағында кездеседі. Олар бір бірімен жабыспаған, жұмсақ консистенциялы; кесіндіде – сұр, шырынды. Бауыр шамалы ұлғайған, салмағы 2400-3000 г, кесіндіде гепатоциттердің майлы дистрофиясының желісінде ақшыл нүктелі лейкозды инфильтраттар кездеседі.

Микроскопия. Сүйек миының лимфоцитарлы элементтерімен диффузды инфильтрациясы айқындалады. Лимфа түйіндерінде, көкбауырда, бадамша бездеріндегі құрылымдық сурет жойылған; лимфоциттер гиперплазиясының салдарынан лимфоидты фолликулдар жоқ. Бауырдағы лимфоцитарлы инфильтраттар үштік аймағында анықталады. Кейде лейкозды ин­фильтраттар бүйректің қыртысты және милық қабаттарында, өкпеде – перибронхиальды анықталады.


Иллюстративті материал: Microsoft Power Point –та дәрістің эллектронды презентациясы, макро- және микропрепараттар слайдтарының жиынтығы.


ҰСЫНЫЛҒАН ӘДЕБИЕТТЕР:
    1. Қазақ тілінде


Негізгі:

  1. Айтқұлов Мұрат Тілеуқабылұлы. Патологиялық анатомияның жалпыпатологиялық процестер бөлімі бойынша студенттерге арналған әдісттемелік құрал/ Айтқұлов Мұрат Тілеуқабылұлы, Усеева М.С. - Қарағанды: ҚММА, 2006. - 92 б.

  2. Струков А.И. Патологиялық анатомия: оқулық / А. И. Струков, В. В. Серов; пер. М. Т. Айтқұлов. - 5-ші бас., стереотипті. - М. : ГЭОТАР-Медиа, 2013. - 984 б.: сур.

  3. Струков, А.И. Патологиялық анатомия: медициналық жоғары оқу орындардың студенттеріне арналған оқулық / А.И. Струков, В.В. Серов. - Ақтөбе ІІ бөлімнің 1-ші кітабы: жеке аурулар бөлімі. - 2-ші бас. - 2010. - 338 б.

  4. Струков, А.И. Патологиялық анатомия: медициналық жоғары оқу орындардың студенттеріне арналған оқулық / А.И. Струков, В.В. Серов . - Ақтөбе ІІ бөлімнің 2-ші кітабы: жеке аурулар бөлімі. - 2-ші бас. - 2010. - 330 б.

  5. Струков А.И. Патологиялық анатомия: медициналық жоғары оқу орындардың студенттеріне арналған оқулық / А.И. Струков, В.В. Серов . - Ақтөбе Жалпы бөлімі. - 2-ші бас. - 2010. - 350 б.

  6. Тусупбекова М.М. Морфологический атлас общепатологических процессов: Атлас / М. М. Тусупбекова. - Алматы: Эверо, 2012. - 164 с.: ил.

Қосымша:

  1. Ныгызбаева Р.Ж. Экссудатты қабынудың патоморфологиясы : оқу-әдістемелік құрал / Р. Ж. Ныгызбаева, Л. М. Стабаева ; ҚММУ. - Қарағанды, 2011. - 30 б.

  2. Тусупбекова М.М. Өкпеннің гранулематозды ауруларының патологиялық анатомиясы : оқу-әдістемелік құрал / М. М. Түсіпбекова, Р. Ж. Нығызбаева, Л. М. Стабаева ; ҚММУ. - Қарағанды, 2012. - 33 б.

Похожие:

Патологиялық анатомия және сот медицина кафедрасы iconКурсы: 2, III семестр
Кафедра: Физиологиялық пәндер кафедрасы және патологиялық анатомия мен сот медицина кафедрасы
Патологиялық анатомия және сот медицина кафедрасы iconКурсы: 2, III семестр
Кафедра: Физиологиялық пәндер кафедрасы мен патологиялық анатомия және сот медицина кафедрасы
Патологиялық анатомия және сот медицина кафедрасы iconПатологиялыќ анатомия жєне сот медицина кафедрасы
Таќырып: Некроз. Жіктелуі. Инфаркт, инфаркттардыњ т‰рлері, асќынулары, нєтижелері
Патологиялық анатомия және сот медицина кафедрасы iconГистология курсымен сот медицинасы, патологиялық анатомия кафедрасы
Мақсат: Ж‰йке ж‰йесінің менингтамырлық ісіктерін классификациялыќ ±станымѓа жєне морфологиялыќ бейнесіне с‰йене отырып, µзара ажыратып,...
Патологиялық анатомия және сот медицина кафедрасы iconПатологиялық анатомия кафедрасы
«Медициналық-профилактикалық іс» мамандығы үшін патологиялық анатомияны оқу міндетті және іргелі теориялық білімді қамтамасыз ететін...
Патологиялық анатомия және сот медицина кафедрасы iconПатологиялыќ анатомия жєне сот медицина кафедрасы
Таќырып: Строма-тамырлыќ жєне аралас дистрофиялар, жіктелуі. Морфологиялыќ кµріністері мен нєтижелері
Патологиялық анатомия және сот медицина кафедрасы iconКлиникалық анатомия және оперативтік хирургия кафедрасы
«Акушерлік патологиялық жағдайдағы клиникалық анатомия,оперативтік араласулардың негіздері» деген тақырып бойыншаөтетін элективтік...
Патологиялық анатомия және сот медицина кафедрасы iconПатологиялық анатомия 1 бойынша
«Экологиялық патология», «Ісік өсуінің морфогенезі», «Сот-морфологиялық зерттеулер», «Жасушалық трансплантация»
Патологиялық анатомия және сот медицина кафедрасы iconПатологиялық анатомия бойынша-2
«Экологиялық патология», «Ісік өсуінің морфогенезі», «Сот-морфологиялық зерттеулер», «Жасушалық трансплантация»
Патологиялық анатомия және сот медицина кафедрасы iconПатологиялық анатомия бойынша
«Экологиялық патология», «Ісік өсуінің морфогенезі», «Сот-морфологиялық зерттеулер», «Жасушалық трансплантация»
Разместите кнопку на своём сайте:
Документы


База данных защищена авторским правом ©kzdocs.docdat.com 2012
обратиться к администрации
Документы
Главная страница