Қазақстан Республикасы Үкіметінің 2012 жылғы 27 шілдедегі №979 қаулысы




НазваниеҚазақстан Республикасы Үкіметінің 2012 жылғы 27 шілдедегі №979 қаулысы
страница1/6
Дата конвертации10.02.2016
Размер1.19 Mb.
ТипДокументы
источникhttp://kz.government.kz/docs/979k.doc
  1   2   3   4   5   6



Қазақстан Республикасы Көлік және коммуникация министрлігінің

автомобиль көлігі саласындағы мемлекеттік қызмет стандарттарын бекіту және «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2010 жылғы 20 шілдедегі № 745 қаулысына өзгерістер енгізу туралы


Қазақстан Республикасы Үкіметінің 2012 жылғы 27 шілдедегі №979 қаулысы


Қазақстан Республикасының 2008 жылғы 4 желтоқсандағы Бюджет кодексінің 34-бабына және «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына сәйкес Қазақстан Республикасының Үкіметі қаулы етедi:

1. Қоса берiлiп отырған:

1) «Халықаралық және республикаішілік қатынастарда қауіпті жүктерді тасымалдауды жүзеге асыратын автокөлік құралдарының жүргізушілерін даярлау курстарын бекіту» мемлекеттiк қызмет стандарты;

2) «Жүргізушіге халықаралық және республикаішілік қатынаста қауіпті жүктерді автокөлік құралдарымен тасымалдауға рұқсат беру туралы куәлік беру» мемлекеттiк қызмет стандарты бекiтiлсiн.

2. «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2010 жылғы 20 шілдедегі № 745 қаулысына (Қазақстан Республикасының ПҮАЖ-ы, 2010 ж., № 44, 401-құжат) мынадай өзгеріс енгізілсін:

көрсетілген қаулымен бекітілген Жеке және заңды тұлғаларға көрсетілетін мемлекеттік қызметтердің тізілімінде:

реттік нөмірі 105 және 106-жолдар мынадай редакцияда жазылсын:


105.

Халықаралық және республикаішілік қатынастарда қауіпті жүктерді тасымалдауды жүзеге асыратын автокөлік құралдарының жүргізушілерін даярлау курстарын бекіту

Жеке және заңды тұлғалар

ККМ

ККМ

ХҚО

Электронды, қағаз түрінде

(ҚР Көлік және коммуникация министрінің бұйрығы)

106.

Жүргізушілерге халықаралық және республикаішілік қатынаста қауіпті жүктерді автокөлік құралдарымен тасымалдауға рұқсат беру туралы куәлік беру

Жеке тұлғалар

ККМ

ККМ

ХҚО

Қағаз түрінде

(куәлік)

».

3. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.


Қазақстан Республикасының

Премьер-Министрi К. Мәсiмов


Қазақстан Республикасы

Үкіметінің

2012 жылғы «27» шілдедегі

№979 қаулысымен

бекітілген


«Халықаралық және республикаішілік қатынастарда қауіпті жүктерді тасымалдауды жүзеге асыратын автокөлік құралдарының жүргізушілерін даярлау курстарын бекіту» мемлекеттік қызмет

СТАНДАРТЫ


1. Жалпы ережелер


1. «Халықаралық және республикаішілік қатынастарда қауіпті жүктерді тасымалдауды жүзеге асыратын автокөлік құралдарының жүргізушілерін даярлау курстарын бекіту» мемлекеттік қызметін (бұдан әрі – мемлекеттік қызмет) Қазақстан Республикасы Көлік және коммуникация министрлігі (бұдан әрі – уәкілетті орган) Қазақстан Республикасы Көлік және коммуникация министрлігінің Халыққа қызмет көрсету орталықтары арқылы көрсетілетін мемлекеттік қызметтерді автоматтандыруды және оңтайландыруды бақылау жөніндегі комитеттің «Халыққа қызмет көрсету орталықтарының» Республикалық мемлекеттік кәсіпорнының филиалдары арқылы (бұдан әрі – орталық) осы стандартқа 1-қосымшада көрсетілген мекенжайлар бойынша көрсетеді.

2. Көрсетілетін мемлекеттік қызметтің нысаны: автоматтандырылмаған.

3. Мемлекеттік қызмет «Автомобиль көлігі туралы» Қазақстан Республикасының 2003 жылғы 4 шілдедегі Заңының 13-бабының 18) тармақшасына және Қазақстан Республикасы Көлік және коммуникация министрінің 2011 жылғы 24 ақпандағы № 88 бұйрығымен бекітілген Қауіпті жүктерді тасымалдауды жүзеге асыратын автокөлік құралдарының жүргізушілерін арнайы дайындау курстарын ұйымдастыру ережелеріне сәйкес көрсетіледі.

4. Мемлекеттік қызметті көрсету тәртібі, сондай-ақ мемлекеттік қызмет көрсету стандарттары туралы ақпарат:

1) уәкілетті органның интернет – ресурсының www.mtс.gov.kz. мекенжайы бойынша, «Мемлекеттік қызметтер» бөлімінде;

2) орталықтың интернет – ресурсының www.con.gov.kz мекенжайында;

3) ресми ақпарат көздерінде және осы стандартқа 1-қосымшаға сәйкес орталықтардың үй-жайларының стенділерінде орналастырылған.

Сондай-ақ мемлекеттік қызмет көрсету тәртібі туралы ақпаратты call-орталығының 1414 телефоны бойынша алуға болады.

5. Мемлекеттік қызметті көрсетудің нәтижесі Қауіпті жүктерді тасымалдауды жүзеге асыратын автокөлік құралдарының жүргізушілерін арнайы даярлау курстарын бекіту туралы Қазақстан Республикасы Көлік және коммуникация министрі бұйрығының көшірмесін қағаз жеткізгіште (бұдан әрі – бұйрық көшірмесі) немесе мемлекеттік қызметті ұсынудан бас тарту туралы дәлелді жауабын қағаз жеткізгіште беру болып табылады.

6. Мемлекеттік қызмет жеке және заңды тұлғаларға (бұдан әрі – мемлекеттік қызметті алушылар) көрсетіледі.

7. Мемлекеттік қызметті көрсету мерзімдері:

1) осы стандарттың 11-тармағында көзделген құжаттарды тапсырған сәтінен бастап – күнтізбелік 30 күн ішінде;

2) өтінішті тапсыру кезінде кезек күтудің рұқсат етілген ең ұзақ уақыты - 20 минут;

3) мемлекеттік қызметті алушыға өтініш жасалған күні көрсетілетін мемлекеттік қызметтің рұқсат етілген ең ұзақ уақыты - 20 минут;

4) бұйрықты немесе бас тарту туралы дәлелді жауапты алу кезінде кезекте күтудің рұқсат етілген ең ұзақ уақыты - 20 минут.

8. Мемлекеттік қызмет ақысыз көрсетіледі.

9. Орталықтарда мемлекеттік қызмет мереке және демалыс күндерін қоспағанда, күн сайын, түскі үзіліссіз сағат 9.00-ден 20.00-ге дейін ұсынылады.

Қабылдау электронды кезек тәртібімен, алдын ала жазылусыз және жедел қызмет көрсетусіз жүзеге асырылады.

10. Мемлекеттік қызмет физикалық мүмкіндігі шектеулі мемлекеттік қызметті алушыға қызмет көрсетуге жағдай көзделген мемлекетті қызметті алушының тұрғылықты және тіркелген жері бойынша орталықтың ғимаратында көрсетіледі. Залда қажетті құжаттар тізбесі мен оларды толтыру үлгілері ілінген, ақпараттық стенділермен жабдықталған күту және құжаттарды толтыруға арналған орындар бар.


2. Мемлекеттік қызмет көрсету тәртібі


11. Мемлекеттік қызметті алу үшін мемлекеттік қызметті алушы немесе сенімхат бойынша оның уәкілетті өкілі оқытуды өткізу көзделген мамандандырылған курстардың атауы көрсетілген өтінішті ұсынады, сондай-ақ мынадай құжаттар қоса беріледі:

1) заңды тұлғаны мемлекеттік тіркеу туралы куәлік немесе дара кәсіпкердің куәлігі;

2) базалық курстардың және (немесе) мамандандырылған курстардың бағдарламалары (өтініштің мазмұнына қарай), мемлекеттік және орыс тілдеріндегі оқытылатын тақырыптары, сабақтар көлемі мен оқыту әдістері көрсетілген әзірленген оқу-тақырыптық жоспарлары;

3) білімі, мамандығы және оқыту бейіні бойынша жұмыс өтілі көрсетілген оқытушылар құрамы туралы мәліметтер, сондай-ақ оларда қауіпті жүктерді халықаралық жолдарда тасымалдау туралы Еуропалық келісімнің (бұдан әрі – Келісім) мүше-елдерінің оқыту ұйымдарында қауіпті жүктерді тасымалдау бойынша арнайы даярлықтан өткені, қажетті емтихандар тапсырғаны туралы куәліктер немесе сертификаттар болуы туралы ақпарат;

4) оқыту курстарының басшысы немесе әдістемелік кеңес бекіткен оқыту процесінде қолданылатын Келісімнің талаптарына сәйкес нормативтік-техникалық құжаттардың тізбесі;

5) өрт қауіпсіздігі саласында білімін тексеру бойынша біліктілік куәліктері;

6) дәрігер келгенге дейінгі көмек көрсету (осы тақырып бойынша штаттағы оқытушылар болмаған жағдайда) бойынша тақырыптық дәрістер мен практикалық сабақтар өткізу туралы денсаулық сақтау саласындағы мамандармен шарт;

7) оқыту сыныптары туралы мәліметтер (сыныптар саны, әр сыныптағы отыратын орын саны, оқытудың техникалық құралдармен, оқу және көрнекі құралдармен жабдықталуы);

8) қауіпті жүктерді тасымалдауға қатысты Қазақстан Республикасы заңнамасының соңғы өзгерістерін қамтитын курс бағдарламасына сәйкес оқытылатын тақырыптар көрсетілген оқыту даярлық жоспарлары;

9) сабақ кестелері және жоспарланған оқыту әдістері;

10) оқушылардың болжамды саны.

Осы тармақтың 1), 5) және 6) тармақшаларында көрсетілген құжаттардың түпнұсқалары көшірмелермен салыстырылғаннан кейін мемлекеттік қызметті алушыға қайтарылады. Құжаттардың түпнұсқалары ұсынылмаған жағдайда нотариалды куәландырылған көшірмелері ұсынылады.

12. Өтініш еркін нысанда толтырылады.

13. Құжаттарды қабылдау «бір терезе» қағидаты бойынша «кедергісіз қызмет көрсету» арқылы мекенжайлары осы стандартқа 1-қосымшада көрсетілген орталықтардың операциялық залдарында жүзеге асырылады.

14. Мемлекеттік қызметті алушыға мыналарды көрсете отырып, тиісті құжаттарды қабылдау туралы қолхат беріледі:

1) сұрау салудың нөмірі және қабылдау күні;

2) сұрау салынған мемлекеттік қызметтің түрі;

3) қоса берілген құжаттардың саны және атауы;

4) құжаттарды беру күні (уақыты) және орны;

5) құжаттарды ресімдеуге өтінішті қабылдаған орталық қызметкерінің тегі, аты, әкесінің аты.

15. Бұйрық көшірмесін немесе мемлекеттік қызметті ұсынудан бас тарту туралы дәлелді жауап беруді орталық қызметкері, қолхат негізінде, онда көрсетілген мерзімде «терезе» арқылы жүзеге асырады.

16. Мемлекеттік қызметті алушы осы стандарттың 11-тармағында көрсетілген талаптарды орындамаған жағдайда уәкілетті орган мемлекеттік қызметті алушыға мемлекеттік қызметті ұсынудан бас тартады және оны шешім қабылдаған соң он жұмыс күні ішінде бас тартудың дәлелін көрсете отырып, жазбаша нысанда хабардар етеді.


3. Жұмыс қағидаттары


17. Уәкілетті органның және орталықтың қызметі адамның конституциялық құқықтарының, қызметтiк борышын атқару кезiнде заңдылықтың, Мемлекеттiк қызметшiлердiң ар-намыс кодексiнiң сақталуына негiзделедi және мемлекеттік қызмет алушыға сыпайылық, толық ақпарат ұсыну, оның сақталуын, қорғалуын және құжат мазмұны туралы ақпараттардың құпиялылығын қамтамасыз ету қағидаттарында жүзеге асырылады.


4. Жұмыс нәтижелері

 

18. Мемлекеттік қызмет алушыларға мемлекеттік қызмет көрсетудің нәтижелері осы стандартқа 2-қосымшаға сәйкес сапа және тиiмдiлiк көрсеткiштерiмен өлшенедi.

19. Мемлекеттiк қызмет көрсететiн уәкілетті органның және орталықтың, жұмысы бағаланатын мемлекеттiк қызметтердiң сапасы мен тиiмдiлiк көрсеткiштерiнiң нысаналы мәндерi жыл сайын Қазақстан Республикасы Көлiк және коммуникация министрлiгiнiң бұйрығымен бекiтiледi.


5. Шағымдану тәртібі

 

20. Уәкілетті органның лауазымды тұлғаларының әрекетiне (әрекетсiздiгiне) шағымдану тәртiбiн түсіндіру және шағымды дайындауға жәрдемдесу үшін мемлекеттік қызмет алушы Қазақстан Республикасы Көлік және коммуникация министрлігі Автомобиль көлігі департаментінің Автомобиль көлігін және нормативтерді дамыту басқармасының бастығына мынадай мекенжай бойынша жүгіне алады: 010000, Астана қаласы, Қабанбай батыр даңғылы 32/1-үй, «Транспорт Тауэр» ғимараты, № 208 кабинет, тел.:
8 (7172) 24-18-60, факс: 24-18-04, электрондық пошта адресі: dat@mtc.gov.kz.

Орталық қызметкерінің әрекетiне (әрекетсiздiгiне) шағымдану тәртiбiн түсiндiру және шағымды дайындауға жәрдемдесу үшiн мемлекеттік қызмет алушы осы стандартқа 1-қосымшада көрсетiлген телефондары арқылы орталық басшылығына жүгiнедi.

Сондай-ақ орталық қызметкерінің әрекетiне (әрекетсiздiгiне) шағымдану тәртiбi туралы ақпаратты 1414 call-орталығының ақпараттық-анықтамалық қызмет телефоны арқылы алуға болады.

21. Мемлекеттік қызметті көрсету процесі бойынша апелляция Қазақстан Республикасы Көлік және коммуникация вице-министрінің атына пошта арқылы жазбаша түрде немесе қолма-қол мынадай мекенжай арқылы беріледі: 010000, Астана қаласы, Қабанбай батыр даңғылы 32/1-үй, «Транспорт Тауэр» ғимараты, № 1012 кабинет, тел.: 8 (7172) 24-13-12 немесе электрондық пошта адресі: mtc@mtc.gov.kz.

Жұмыс кестесі күн сайын сағат 9.00-ден 18.30-ға дейін, 13.00-ден 14.30-ға дейінгі үзіліс уақытымен, демалыс күндері: сенбі, жексенбі.

22. Орталық қызметкері дұрыс қызмет көрсетпеген жағдайда, шағым орталық басшысының атына берiледi. Орталық басшыларының мекенжайлары және телефондары осы стандартқа 1-қосымшада көрсетілген. Қазақстан Республикасы Көлік және коммуникация министрлігінің Мемелекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» РМК мекенжайы: 010000, Астана қаласы, Республика даңғылы, 43 «А»-үй, телефоны: 8 (7172) 94-99-95, интернет-ресурсы: www.con.gov.kz.

23. Көрсетiлген мемлекеттік қызметтiң нәтижелерiмен келiспеген жағдайда мемлекеттік қызметті алушы заңнамада белгiленген тәртiппен сотқа жүгiнуге құқылы.

24. Шағым еркін нысанда жазылады.

Мемлекеттік қызметті алушылар қажет болған жағдайларда шағымға уәкiлеттi органның мемлекеттiк қызметті сапасыз ұсынғанын және орталық қызметкерлерінің дұрыс қызмет көрсетпегенін растайтын құжаттарын қоса бередi.

25. Қолма-қол да, пошта арқылы да келіп түскен шағымның қабылданғанын растау уәкілетті органның немесе орталықтың кеңсесiнде жеке және заңды тұлғалардың өтініштеріне арналған журналда тіркелуі (мөртаңба, кiрiс нөмiрi мен тiркеу күнi шағымның екiншi данасына немесе шағымға iлеспе хатқа қойылады) болып табылады.

Мемлекеттік қызметті алушыға оның шағымын қабылдағанын растайтын шағымды қабылдаған адамның байланыс деректерi көрсетiлген нөмiрi, күнi, шағымды қабылдаған адамның тегi жазылған талон берiледі.

Шағымды қарау Қазақстан Республикасының заңнамасында көзделген тәртiппен және мерзiмде жүзеге асырылады.

Мемлекеттік қызметті алушыға шағымды қарау қорытындылары туралы пошта арқылы жазбаша түрде хабарланады.

26. Қазақстан Республикасы Көлік және коммуникация министрлігінің мекенжайы: 010000, Астана қаласы, Қабанбай батыр даңғылы 32/1-үй, «Транспорт Тауэр» ғимараты, интернет-ресурсы: www.mtc.gov.kz.

«Халықаралық және республикаішілік

қатынастарда қауіпті жүктерді

тасымалдауды жүзеге асыратын

втокөлік құралдарының жүргізушілерін

даярлау курстарын бекіту» мемлекеттік

қызмет стандартына

1 - қосымша


Халыққа қызмет көрсету орталықтарының тізімі


Р/с №


Орталықтардың атауы (филиалдары, бөлімдері, бөлімшелері)

Орталықтың орналасқан мекенжайы

Байланыс деректері

1

2

3

  1   2   3   4   5   6

Похожие:

Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 2012 жылғы 18 қаңтардағы №103 қаулысы
«Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 23 шілде 2015 жылғы №578 Қаулысы
Республикасы Үкіметінің «Қашықтықтан білім беру технологиялары бойынша оқу үдерісін ұйымдастыру тәртібін бекіту туралы» 19 қаңтар...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 2012 жылғы 30 наурыздағы №396 қаулысы
«Есірткі, психотроптық заттар, прекурсорлар және олардың заңсыз айналымы мен теріс пайдаланылуына қарсы іс-қимыл шаралары туралы»...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 2011 жылғы 30 желтоқсандағы №1718 қаулысы
«Байланыс туралы» Қазақстан Республикасының 2004 жылғы 5 шілдедегі Заңының 7-бабының 14-7 тармақшасына сәйкес Қазақстан Республикасының...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 2011 жылғы 24 ақпандағы №175 қаулысы
«Білім туралы» Қазақстан Республикасының 2007 жылғы 27 шілдедегі Заңының 4-бабының 16 тармақшасына сәйкес Қазақстан Республикасының...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 2011 жылғы 27 маусымдағы №717 қаулысы
«Ішкі су көлігі туралы» Қазақстан Республикасының 2004 жылғы 6 шілдедегі Заңының 8-бабының 26 тармақшасына сәйкес Қазақстан Республикасының...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Ұлттық Банкі Басқармасының 2012 жылғы 24 ақпандағы №88 Қаулысы
«Бағалы қағаздар рыногы туралы» 2003 жылғы 2 шілдедегі Қазақстан Республикасының Заңына сәйкес Қазақстан Республикасы Ұлттық Банкінің...
Қазақстан Республикасы Үкіметінің 2012 жылғы 27 шілдедегі №979 қаулысы iconҚаулысы постановление правительства республики к азахстан
«Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2010...
Қазақстан Республикасы Үкіметінің 2012 жылғы 27 шілдедегі №979 қаулысы iconҚазақстан Республикасы Үкіметінің 2012 жылғы 8 қарашадағы №1415 қаулысы
РеспубликасыҮкіметінің 2009 жылғы 30 қазандағы №1729 қаулысына өзгерістер мен толықтырулар енгізу туралы
Қазақстан Республикасы Үкіметінің 2012 жылғы 27 шілдедегі №979 қаулысы icon"Бизнестің жол картасы-2020" бизнесті қолдау мен дамытудың бірыңғай бағдарламасын бекіту, "Бизнестің жол картасы 2020" іске асыру жөніндегі кейбір шаралар
Республикасы Үкіметінің 2010 жылғы 10 маусымдағы №556 қаулысына өзгерістер енгізу және Қазақстан Республикасы Үкіметінің кейбір шешімдерінің...
Разместите кнопку на своём сайте:
Документы


База данных защищена авторским правом ©kzdocs.docdat.com 2012
обратиться к администрации
Документы
Главная страница